МЮ "Барселона" дарвозабони учун таклиф юборди

"Манчестер Юнайтед" "Барселона" посбони Марк-Андре тер Штеген трансфери учун расмий таклиф юборди. 

"Football Talk" нашри хабар беришича, МЮ 33 ёшли дарвозабон қанча миқдорда пул таклиф қилгани ҳали аниқ эмас. Бундан ташқари, Маркни хизматларига Туркиянинг "Бешиктош" жамоаси ҳам қизиқиш билдирмоқда.

Тер Штегеннинг Каталония клуби билан амалдаги шартномаси 2028 йилнинг ёзигача мўлжалланган. Унинг ҳозирда "Трансфермаркт" порталидаги нархи 8 миллион еврони ташкил этади.

Маълумот учун, Тер Штеген жароҳати сабабли 2025 йилнинг май ойидан бери майдонга тушмаяпти. Германиялик дарвозабоннинг бир ойдан сўнг тўлиқ машғулотларга қайтиши кутилмоқда.