МЮ "Барселона"нинг собиқ футболчисини 60 миллион еврога харид қилмоқчи
"Манчестер Юнайтед" раҳбарияти трансфер бозорини ўрганмоқда ва жамоа таркибини кучайтиришни режалаштирмоқда.
TodoFichajes портали саҳифаларида хабар қилинишича, "қизил иблислар" франциялик вингер Усмон Дембеленинг трансферига тайёрламоқда. Манбага кўра, манкунианликлар Усмонни жорий қишки трансферлар ойнасидаёқ харид қилишни режалаштирган ва бу бўйича Париж клуби билан музокараларни бошлаган. 27 ёшли франциялик футболчининг трансфери АПЛ грандига 60 миллион еврога тушиши мумкин.
Аввалроқ матбуотда Усмон Дембеле ПСЖ бош мураббийи Луис Энрике билан можаро туфайли Чемпионлар лигаси доирасидаги "Арсенал"га қарши ўйинда қайдномага киритилмагани ҳақида маълумотлар пайдо бўлганди.
Фикрлар