МЮ бу футболчини "Челси"дан тортиб олмоқчи

"Манчестер Юнайтед" "Лион" ҳимоячиси Мало Гюстога қизиқиш билдира бошлади, дея хабар бермоқда журналист Фабрис Хокинс.

Бундан аввалроқ Гюсто фаолиятини «Челси»да давом эттириши мумкинлиги хабар қилинганди. Бироқ, Хокинснинг сўзларига кўра, ёш футболчи аллақачон Лондон клубига ўтишга рози бўлганига қарамай, манкунианликлар ундан бу борадаги қарорини қайта ўйлаб кўришни илтимос қилишган ва унинг учун курашда "аристократлар"ни ортда қолдиришга ҳаракат қилишларини айтишган.

Гюстонинг "Лион" билан амалдаги шартномаси 2024 йилнинг ёзига қадар тузилган. Нуфузли Трансфермаркт портали мутахассислари Франция ёшлар терма жамоаси аъзосини 15 миллион еврога баҳоламоқда.

Ҳимоячи жорий мавсум “Лион” сафида 15 та ўйинда майдонга тушиб, 1 та голли узатмани амалга оширди.