МЮ футболчисининг тақдирига мавсум сўнггида аниқлик киритилади

"Манчестер Юнайтед" бош мураббийи Уле-Гуннар Сульшер Sky Sports нашри билан интервью чоғида жамоа ҳужумчиси Одион Игалонинг клубдаги келажаги ҳақида гапириб ўтди.

"Ёзда Игало билан шартнома масаласи ҳақида бир қарорга келишимиз мумкин. Аммо унинг жамоага келиши биз учун тоза ҳаво олиб киргандек бўлди", - дейди Сульшер.

"Қизил иблислар" сафига давралар оралиғида келиб қўшилган форвард клуб сафида 5 та ўйинда битта гол муаллифи бўлди.