МЮ "оғзидаги ошни" олдириб қўйиши мумкин

"Фулхэм" "Манчестер Юнайтед"дан Софяьн Амрабатни илиб кетиши мумкин.

Инглиз клуби "Фиорентина"нинг таянч ярим ҳимоячиси трансфери устида ишламоқда. Жанлука Ди Марционинг сўзларига кўра, Лондон клуби тахминан 30 миллион евро таклиф қилган.

Фабрицио Романонинг ёзишича, яқин соатларда "Манчестер Юнайтед" Амрабатнинг келишуви бўйича "Фиорентина" билан музокараларнинг янги босқичига киришади. Маълум бўлишича, италияликлар футболчини ижарага беришдан бош тортиб, уни сотишни афзал кўрган.