MYu Pogba masalasini hal qildi

“Manchester Yunayted”  bir necha oydan buyon Pol Pogba bilan yangi shartnoma bo‘yicha muzokara o‘tkazganiga qaramay, o‘z maqsadiga eta olmadi.

Shuning uchun manchesterliklar 2021 yilning yozida yakunlanadigan avvalgi shartnomadagi banddan foydalanib, frantsiyalik futbolchining bitimini yana bir yilga uzaytirdi.

- Pogba – bizning o‘yinchi. U yana ikki yil shu erda to‘p tepadi. Biz Polning haqiqiy kuchini ko‘rmoqchimiz, u ham qo‘lidan kelganini qiladi, - dedi Sulsher.

Pol Pogba 2016 yili “Yuventus”dan o‘sha payt uchun rekord bo‘lgan 105 million evro evaziga olib kelingan edi.