МЮ Роналду ўрнига кимни олиб келиши маълум

"Манчестер Юнайтед" ёзда "Наполи" ҳужумчиси Виктор Осимхенни сотиб олмоқчи. Клуб уни мавсум якунида кетиши кутилаётган Криштиану Роналдуга ўринбосар, деб ҳисобламоқда. 

Бироқ итальян клуби футболчи учун катта сумма сўрамоқда. Улар нигериялик форвард учун камида 100 миллион евро тўланиши кераклигини маълум қилган. 

Ҳозирга қадар Осимхен А Сериянинг 17 ўйинида 7 гол ва 3 голли узатма муаллифига айланган. Шунингдек, у Европа Лигаси доирасидаги 5 баҳсда 4 гол уриб, битта голга ассистентлик қилган.

Маълумот ўрнида, "Transfermarkt" портали Викторни 60 миллион еврога баҳолаган.