МЮ собиқ футболчиси АПЛ клубини бошқариши мумкин

Ҳозирда "Мидлсбро" клубида бош мураббийлик қилаётган "Манчестер Юнайтед" собиқ футболчиси Майкл Каррик АПЛ клубини бошқариши мумкин.

"Вест Хэм" яқин орада истеъфога чиқиши эҳтимоли юқори бўлган Хулен Лопетегининг ўрнини босувчи номзодларни ўрганишда давом этмоқда. Mirror нашрининг хабар беришича, Чемпионшипдаги "Мидлсбро" клубини бошқараётган Каррик номзодлар рўйхатига қўшилган.  

"Болғачилар"нинг "Вулверхемптон"га қарши бўлажак ўйини Лопетеги учун охирги бўлиши мумкин. Агар жамоа мағлубиятга учраса, испаниялик мураббий ишини сақлаб қолиши қийин бўлади.  

Майкл Каррик 2022 йил октябрь ойидан буён "Мидлсбро" жамоасини бошқариб келмоқда. Ҳозирги пайтда жамоа Чемпионшипнинг турнир жадвалида бешинчи ўринни эгаллаб турибди.

Эслатиб ўтамиз, 43 ёшли мутахассис "болғачилар" сафида ҳам тўп сурган.