Янги мавсум олдидан таркибини кучайтиришга ҳаракат қилаётган гранд жамоалар “Лестер”да ишончли ўйинлари билан ўзини кўрсата олган Бен Чилуэлл учун курашни кучайтириб юборди.

Хусасан, Сульшер ва Лэмпард анчадан буён футболчини ўз жамоасига оғдиришга ҳаракат қилмоқда.

Чемпионлар лигасида иштирок этиш имкониятини қўлдан чиқарган “Лестер” ҳимоячини 80 миллион фунтга сотиб юборишга тайёрлигини билдирди. “Челси”га бу нарх бироз қимматлик қилмоқда. Чунки лондонликлар бунгача Ҳаким Зиёш ва Тимо Вернер каби қимматбаҳо футболчиларни харид қилган эди.

Сульшернинг натижаларидан қониқаётган “Манчестер Юнайтед” раҳбарлари “Лестер” таклифини қабул қилишга тайёр эканини маълум қилган.