МЮда Фергюсоннинг анъаналарини давом эттиришмоқда

"Манчестер Юнайтед" футболчилари Европа Лигаси финалига Пол Смитнинг 1000 фунт стерлинг турувчи костюмларини кийиб тайёргарлик кўришди. Клубда сер Алекс Фергюсоннинг шонли даврларига бориб тақаладиган финал олдидан башанг кийиниш анъанаси мавжуд.

"Қизил иблислар" Билбаода "Тоттенхэм"га қарши ўйинда кубокни қўлга киритиб, мавсумни юқори кайфиятда якунлашга умид қилмоқда. Ўйин олдидан футболчилар ўзларини керакли руҳий ҳолатга келтиришга ҳаракат қилиб, замонавий костюмларни кийиб кўришди. Инглиз дизайнери Пол Смит билан ҳамкорлик 2008 йилда бошланган ва ҳозиргача давом этмоқда.