Нагельсманн ишонган ўйинчисининг оғир жароҳатига изоҳ берди

Германия терма жамоаси бош мураббийи Юлиан Нагельсман жароҳат олгани сабабли 2026 йилги жаҳон чемпионати охиригача майдонга туша олмайдиган ҳимоячи Нико Шлоттербекнинг мусобақани муддатидан олдин тарк этишига муносабат билдирди.

- Бизга Шлотти майдонда жуда етишмайди, у ажойиб ҳимоячи, айниқса унинг ўйини ҳақиқатан ҳам юқори даражада эди. Барчамиз уни руҳан қўллаб-қувватлашга ҳаракат қилдик. 

Яхши томони шундаки, у жуда ижобий йигит, олдинга қараб яшашга уринаётганини кўряпмиз. Усиз ҳам ҳимоя чизиғимиз кучлилигича қолади, чунки бизнинг таркибда Жонатан Та, Антонио Рюдигер, Вальдемар Антон ва Малик Тшау бор, — дея Нагельсманнинг сўзларини Германия футбол иттифоқининг расмий сайти келтиради.

Эслатиб ўтамиз, Шлоттербек Кот-д′Ивуарга қарши ўйинда (2:1) тўп суриш чоғида тўпиқ боғламларини жиддий жароҳатлаб олгани учун жаҳон чемпионатидаги иштирокини якунлади.

Жаҳон чемпионати гуруҳ босқичи 3-турида Германия терма жамоаси 25 июнь куни Эквадорга қарши майдонга тушади.