Нагельсманн Роналду ҳақида қизиқ гап айтди

Мюнхеннинг “Бавария” клуби бош мураббийи Юлиан Нагельсманн “Манчестер Юнайтед” ҳужумчиси Криштиану Роналдунинг “Тоттенхэм”га (2:0) қарши учрашувдаги шов-шувли ҳаракати ҳақида ўз фикрлари билан ўртоқлашди.

"Мен бу ҳақда гапиришни истамас эдим, чунки аслида нима бўлганини билмайман. Балки Роналду совуққотган бўлиши ва тезда иссиқ ванна қабул қилиш учун шундай қарорга келгандир?! Сабаби нима эканлигини билмайман, шунинг учун ҳеч нарса демайман”, - дейди Юлиан.

Криштиану бутун ўйинни захирада ўтказди. У финал ҳуштагини кутмай, ўзбошимчалик билан ечиниш хонасига йўл олди. Футболчи бу қилмиши учун жаримага тортилди ва асосий жамоа билан машғулотлардан четлаштирилди.