"Наполи" спорт директори Роналду борасидаги миш-мишларга тўхталди

"Наполи" спорт директори Криштиану Жунтоли неаполликлар клуби ёзда "Манчестер Юнайтед" ҳужумчиси Криштиану Роналдуни сотиб олмоқчилиги борасида тарқалган миш-мишларга муносабат билдирди.

"Буни айтганимдан афсусдаман, лекин ёзги трансфер ойнаси пайтида биз "Манчестер Юнайтед" билан Криштиану Роналдунинг трансфери бўйича музокараларни бошлашга ҳам улгурмаган эдик", - дея Жунтолининг сўзларини келтирди журналист Фабрицио Романо ўзининг твиттер саҳифасида.

Олдинроқ ОАВ ҳужумчининг Италия клубига ижара асосида ўтиши мумкинлиги ҳақида хабар қилганди.