"Насаф" - "Ал-Вехдат" жуфтлигида кимнинг таркиби қимматроқ? Жамоаларнинг энг қиммат футболчилари кимлар?

Қаршининг “Насаф” клуби Осиё Чемпионлар лигаси гуруҳ босқичининг навбатдаги турини Иорданиянинг “Ал-Вехдат” клубига қарши ўтказади.

Transfermarkt портали маълумотларига кўра, “Ал-Вехдат”нинг таркиби 4.61 млн еврони ташкил қилади. Иордания клубининг энг қиммат футболчиси эса аргентиналик Матиас Кастро ҳисобланади. Унинг айни дамдаги трансфер нархи 500 минг еврога баҳоланмоқда.

Таққослаш учун, “Насаф”нинг таркиби 7,85 млн еврони ташкил этади. “Аждарлар”нинг энг қиммат футболчиси эса Ҳусайн Норчаевдир. Марказий ҳужумчининг айни дамдаги трансфер нархи 700 минг еврога баҳоланмоқда.

Эслатиб ўтамиз, “Насаф” ва “Ал-Вехдат” жамоалари ўртасидаги баҳс 11 апрель куни Тошкент вақти билан соат 22:15 да бошланади.