"Насаф" футболчиларига хорижнинг қайси жамоаларидан қизиқишлар бор? Клуб матбуот хизматидан жавоб

“Насаф” матбуот хизмати ходими Сардор Нуров жамоа футболчилари Шерзод Насруллаев ва Ҳусаин Норчаевга Россия Премер-лигаси (РПЛ) клубларидан қизиқиш бўлаётгани ҳақидаги маълумотларга изоҳ берди. Бу ҳақда metaratings.ru нашри хабар берди.

- Уларга нафақат "Нижний Новгород" томонидан, балки бошқа клублардан ҳам қизиқиш бор. Қолаверса, Россиядан ташқари бошқа давлатларнинг клубларидан чорловлар мавжуд. Ҳозирча хеч қандай музокаралар олиб бормаябмиз, уларга расмий таклифлар келиб тушмаган. Шунингдек, “Насаф”нинг яна бир футболчиси Ойбек Бозоровга қизиқиш бор, — деди Сардор Нуров.

Aввалроқ Россиянинг яна бир нашри "Нишний Новгород" ҳимоячи Шерзод Насруллаевни ўз сафига қўшиб олмоқчи эканлигини хабар берган эди. Манбада ёзилишича, Россия клуби аввалига ҳимоячи Иброхимхалил Йўлдошевни сотиб, шундан кейингина унинг ўрнига Насруллаевни олмоқчи. Қолаверса, бу жамоа Ҳусаин Норчаевга бефарқ эмас.