"Насаф" футболчиси 3 ойдан сўнг яна майдонга қайтди

Ўзбекистон миллий терма жамоаси ҳамда “Насаф” клуби ҳимоячиси Ҳусниддин Алиқулов ўтган йилнинг охирларида жароҳат сабабли сафдан чиққанди. Ниҳоят, у яна майдонга қайтди. Футболчи жамоаси билан Туркиядаги йиғинда иштирок этмоқда ва бугунги ўртоқлик учрашувида қатнашди. Бу хусусида “Насаф” матбуот хизмати маълум қилди.

“Эсингизда бўлса, Ҳусниддин Алиқулов ОФК Кубоги доирасида Гонконгнинг “Ли Ман” жамоасига қарши кечган ўйинда жароҳат олиб, майдонни тарк этганди. Шундан сўнг, унинг олган жароҳати жиддий эканлиги ва жарроҳлик амалиётини ўташи кераклиги аниқланганди. Орадан уч ой вақт ўтиб, Алиқулов бугун “Университатя Клуж” жамоасига қарши беллашувда захирадан майдонга тушди”, - дейилади хабарда.