"Насаф" машғулотларга қайтди, Шерзод Насруллаев ҳам...

Хабарингиз бор, “Насаф” 5 июнь куни Самарқанднинг «Динамо» жамоаси билан назорат учрашувида майдонга тушган эди.

Клуб матбуот хизмати хабар беришича, ўша ўртоқлик учрашувидан сўнг футболчилар икки кунлик таътилга чиқишган. Жамоа аъзолари бугун яна Қаршидаги қароргоҳида йиғилиб, машғулотларга киришишди.

Суперлиганинг 4-турида Тошкентнинг «Локомотив» жамоасига қарши бўлиб ўтган беллашувда жароҳат олган Шерзод Насруллаев ҳам машғулотларда иштирок этмоқда.