"Насаф" мавсумдаги илк ғалабасини Тошкентда қўлга киритди!

Ўзбекистон Суперлигаси 4-тури доирасидаги "Локомотив" - "Насаф" учрашув якунига етди. Унда меҳмонлар 1:0 ҳисобида ғалаба қозонди.

Баҳс тақдирини захирадан майдонга тушган Суҳроб Нуруллоевнинг 59-дақиқада киритган голи ҳал этиб берди.

Шу тариқа, "аждарлар" мавсумдаги илк ғалабасини тантана қилди. Эндиликда қаршиликлар ҳисобида 5, "темирйўлчилар"да 3 очко бор.

• 90+4'
  

  Учрашув якунланди. "Насаф" мавсумдаги илк ғалабасини Тошкентда қўлга киритди!

• 90+3'
  

  Ойбек Бозоров ўрнига Муродбек Раҳматов ўйинга қўшилди.

• 90+3'

  Жером бу сафар яққол бирга-бир вазиятни кўкка совурди. Жуда аламли мағлубият бўлади бу "Локо" учун.

• 90+2'

  Этаме Туроповнинг узатмасидан сўнг тўпни тўхтата олмади. 

• 90+2'
  

  Смайлагичга тиббий ёрдам кўрсатилмоқда.

• 90+1'

  Бозоров яқин масофадан ноаниқ зарба берди, аммо мухлислар уни олқишламоқда.

• 90'
  

  Иккинчи таймга 4 дақиқа қўшилди.

• 89'

  Ҳасановдан яна бир ноаниқ зарба. Аслида, зарбага ҳожат бўлмаган вазиятдаги уриниш учун унга билдирилаётган эътирозлар ҳақли дейиш мумкин.

• 88'
  

  Нуруллоевнинг бурчакдан оширган тўпига Эшмуродов ета олмади.

• 86'
  

  Тошпўлатов ўйиндан ташқари ҳолатда қолиб кетди.

• 85'

  Муҳаммаданас Ҳасанов бурчакдан тўпни тўғридан тўғри дарвозага йўллади. Бироз ноаниқ.

• 84'

  Тахминан 2 метр масофадан Этаме зарба берди. Тўп Алиқуловдан майдон ташқарисига чиқиб кетди.

• 83'

  Мезбонларда бурчак яқинида стандарт вазият. Ҳисобни тенглаштириш учун ажойиб имконият юзага келди.

• 81'

  Рашидхоновдан навбатдаги ноаниқ зарба.

• 81'
  

  Абдураҳимов ва Норчаев ўрнига Акрамов ҳамда Смайлагич ўйинга қўшилди.

• 79'

  Рашидхонов узоқ масофадан кучсиз зарба берди. Эргашев ҳеч қандай муаммосиз уни бартараф этди.

• 79'

  Ойбек Бозоровдан дриблинг, аммо ноаниқ пас. 

• 78'

  "Насаф"нинг қарши ҳужуми муваффақиятсиз пас билан якунланди.

• 76'

  Диёр Туропов жарима майдони ичидан ноаниқ зарба йўллади. Яна бир имконият қўлдан кетди.

• 74'
  

  Дилшод Комилов ўз ўрнини Али Абдураҳмоновга бўшатиб берди.

• 73'

  Тошкентликлар рақиб мудофаасини ёриб ўтиб, жарима майдонига киришда муаммоларга дуч келяпти.

• 71'

  Туропов жарима майдонига бемақсад пас оширди. Эргашев тўпни ушлаб олди.

• 70'

  Сўнгги дақиқаларни Коростиченко шогирдлари нисбатан фаолроқ ўтказмоқда. "Насаф" қарши ҳужумларга таяняпти.

• 68'

  Марко Станоевич деярли бўш қолган дарвозага ноаниқ зарба берди.

• 67'
  

  Ҳозиргина ўйинга қўшилган Давронов огоҳлантирилди.

• 67'
  

  Жароҳат олган Насруллаев ўз ўрнини Алибек Давроновга бўшатиб берди.

• 66'

  Жарима майдони ичида Этаме йиқилиб тушди. Рефери ўйинни давом эттиришга рухсат берди.

• 66'

  "Темирйўлчилар"нинг аксарият узатмалари манзилга аниқ етиб бормаяпти.

• 64'
  

  "Локо"да иккита ўзгариш: Рашидхонов ва Ҳасанов ўйинга қўшилди. Улар Қодирқулов ҳамда Махарадзени алмаштирди.

• 64'
  

  Катта тезликда югурган Насруллаев қалтисроқ йиқилди. Унга тиббий ёрдам кўрсатилмоқда.

• 63'

  Ойбек Бозоровнинг зарбаси ноаниқ кетди.

• 62'

  Аввалига Бозоров майдонни катта қисмини соло юриш эвазига босиб ўтиб, шериги томон пас берди. Тўп учун курашда Нуруллоев рақибига имкониятни бой берди ва тўп йўқотилди.

• 61'
  

  Ойбекка тиббий ёрдам кўрсатилди.

• 60'
  

  Ойбек Бозоровни қўполлик билан тўхтатган Жумабоев огоҳлантирилди.

• 59'
  

  ГООООООООЛ! Учрашувда ҳисоб очилди!

  Суҳроб Нуруллоевнинг жарима майдони ташқарисидан берган зарбасини дарвозабон қайтара олмади.

• 57'

  Пас беришда хатога йўл қўйган Этаме жамоасининг ўта хавфли тус олаётган қарши ҳужумини йўққа чиқарди.

• 57'

  "Локо" ҳимояси босимга дош бера олмаяпти. Бу сафар Қобилов хато қилди.

• 56'
  

  Кутилганидек, Алишер Салимов ўрнига Жалолиддин Жумабоев ўйинга қўшилди.

• 55'
  

  Салимовга тиббий ёрдам керак. Афтидан, у захирага олинади.

• 54'

  Баҳромнинг босими натижасида Салимов хатога йўқ қўйди.

• 54'

  Жамоалар ҳужумларни уюштира оляпти, аммо якуний нуқтани қўядиган футболчи топилмаяпти.

• 52'

  Ҳусаин жарима майдони ичида йиқилиб тушди. Каримов унга ўрнидан туриши лозимлигини таъкидлади. "Насаф" мухлислари "бақир-чақир"ни бошлаб юборди.

• 51'

  Алиқуловнинг зарбаси мухлисларнинг қўлига бориб тушди.

• 51'

  Норчаев иккинчи қаватдан оширилаётган тўпларни дарвозага йўллашда муаммога дуч келмоқда.

• 50'

  Мозговой марказда тактик фол эвазига тўхтатилди.

• 49'

  Этаме қанотдан етказиб берилган тўпга ноаниқ зарба йўллади.

• 48'
  

  Станоевичнинг олис масофадан берган зарбасини дарвозабон ушлаб олди.

• 47'

  Доимгидек, Бозоров майдонда энг кўп йиқилаётган футболчи бўлиб турибди.

• 46'
  

  Иккинчи таймга старт берилди!

• 46'
  

  Иван Солоьев ўрнига Суҳроб Нуруллоаев ўйинга қўшилди.

• 46'
  

  Биринчи бўлим сўнгида жароҳат олган Ғуломов ўз ўрнини Тошпўлатовга бўшатиб берди.

• 46'

  Футболчилар майдонга қайтди. Биз ҳам қайтамиз!

• 45+3'
  

  Биринчи бўлимда ҳисоб очилмади. Танаффус!

• 45+2'

  Мозговойнинг зарба аралаш узатмаси ҳимоячилардан ўтмади.

• 45+1'

  Насруллаевдан навбатдаги "брак" узатма, Ғуломов эса майдонда ётибди.

• 45'
  

  Биринчи таймга 3 дақиқа қўшиб берилди.

• 43'

  Ғулом-Ҳайдар бу сафар олис масофадан дарвозани "ўққа тутди". Тўп бироз ноаниқ кетди.

• 42'

  Ғуломов амалга оширган кроос муваффақиятсиз чиқди.

• 41'

  Туропов тўпни қўли билан ўзига бўйсундиргани учун ўйин тўхтатилди.

• 40'

  "Насаф"нинг узоқ давом этган ҳужуми фол туфайли якунига етди. Антиқаҳрамон - Соловьев!

• 38'

  Насруллаевнинг узатмалари дарвозабондан ўтмаяпти.

• 36'

  Бу сафар "темирйўлчилар" қулай вазиятдан фойдалана олмади. Туроповнинг уринишидан кейин тўп устун ёнидан ўтиб кетди.

• 35'

  Абдураҳимов жарима майдони ичидан кучли зарба йўллади. Ноаниқ.

• 33'
  

  Алиқуловнинг зарбасини дарвозабон ушлаб олди. Қарши ҳужумда Этаменинг Эргашев устидан ошириб тепган тўпи тўсин юқорисидан ўтиб кетди.

• 32'

  Норчаев қулай имкониятдан унумли фойдалана олмади. 

• 31'

  Ойбек Бозоровнинг ноаниқ узатмаси сабаб "Насаф"нинг навбатдаги ҳужуми барбод бўлди.

• 29'

  Ўйин тенг курашлар остида давом этмоқда.

• 27'
  

  Акмал Мозговой майдонда ётибди. Унга тиббий ёрдам керак.

• 26'
  

  ЙЎҚ! Гол бекор қилинди. Тўп "Локо" футболчисининг қўлига теккан бўлиб чиқди.

• 25'

  Раҳим Каримов видеотакрорларни ўз кўзи билан кўриш учун майдон четига йўл олди.

• 24'

  ВАРдаги ҳакамлар гол урилган вазиятда тўп "Локо" футболчисининг қўлига текканлиги эҳтимолини кўриб чиқмоқда.

• 23'
  

  ГООООООООООЛ! Учрашувда ҳисоб очилди!

  Жарима майдонига етказиб берилган тўпни Жером Этаме дарвозага аниқ йўллади.

• 23'

  Ўйин давом эттирилади!

• 21'

  Тошкентда соат 18:51. Ҳакам футболчиларга сув ичиб олиш имкониятини берди.

• 20'

  Салимовга тиббий ёрдам керакка ўхшайди.

• 19'

  Эшмуродовнинг бош билан йўллаган зарбаси ноаниқ кетди.

• 18'

  Опе Бозоровни қоида бузиш эвазига тўхтатди. Ҳакам оғзаки огоҳлантириш билан чекланди.

• 17'
  

  Ҳусаин Норчаев яқин масофадан зарба берди. Абдужалилов ўз ўрнида!

• 16'

  Насруллаевнинг қанотдан оширган тўпини дарвозабон осонликча ушлаб олди.

• 15'

  Бердиев шогирдлари тўпни ўз ярим майдонида ушлаб турибди.

• 13'

  Жарима майдонига оширилган тўпга Комилов бироз ета олмади.

• 13'

  Ғулом-Ҳайдарнинг зарбаси анча ноаниқ кетди.

• 12'

  Ғуломов рақибнинг қарши ҳужумини тўхтатиб, жамоасини олдинга бошлади. Аммо Абдураҳимов уни қўполлик эвазига тўхтатди.

• 11'
  

  Марконинг аниқ зарбасидан сўнг дарвозабон супер сейв намойиш этди.

• 9'

  Меҳмонлар жарима майдони остонасида стандарт вазиятга эга бўлди.

• 9'

  Жамоалар навбати билан тўпни ўзида ушлаб, олдинга ўтмоқда.

• 7'

  Марконинг жаримадан берган зарбаси ҳимоячилар томонидан блокланди.

• 6'

  Илк хавфли зарба "Насаф"да: Соловьевнинг уринишидан сўнг тўп устун ёнгинасидан ўтиб кетди.

• 6'

  Станоевичнинг жарима майдонига оширган тўпини Салимов узоқлаштирди.

• 4'

  Қодирқулов жарима майдони яқинида йиқилиб тушди. Ҳакам унга ўрнидан туриши кераклигини таъкидлади.

• 3'

  Тўп учун ҳаводаги курашда Қобиловга нисбатан қоида бузилди. У майдонда ётибди.

• 3'

  Қаршиликлар тўп назоратини қўлга олишга ҳаракат қиляпти.

• 1'

  Майдон эгалари илк сониялардан олдинга ташланди. Қанотдан оширилган тўпга Этаме бироз ета олмади.

• 1'
  

  Ўйин бошланди!

• 0'

  Футболчилар майдонга тушиб келди. Марказий ўйин бир неча дақиқалар ичида старт олади!