"Насаф" меҳмонда дуранг ўйнади. Асимов "аждарлар"нинг голини инобатга олмади
Ўзбекистон Суперлигаси 23-туридан ўрин олган "Андижон" ҳамда "Насаф" жамоалари ўртасидаги ўйин якунига етди. Унда томонлар 1:1 ҳисобидаги дурангга имзо чекди.
Ҳисоб 26-дақиқада мезбонлар вакили Василий Совпель томонидан очилди. Бунга қаршиликлар 57-дақиқада Андрия Калудеровичнинг пенальтидан киритган голи эвазига жавоб қайтарди. Иккинчи таймда "аждарлар"нинг голи инобатга олинмади ва Бердиев шогирдлари ўйинни давом эттиришдан бош тортди. Аммо баҳс ниҳоясига етказиб қўйилди. Асосий вақт якунига бир дақиқа қолганда, андижонликлар футболчиси Фарҳод Собиржонов 11 метрлик нуқтадан дарвозани ишғол эта олмади.
Шу тариқа, "Насаф" очколари сонини 40 тага етказиб олди. "Андижон" ҳисобида 19 очко бор.
Фикрлар