"Насаф" учун табрикни "каттаси!"

Ўзбекистон Суперлигаси 4-туридан ўрин олган баҳсда "Насаф" Тошкентда "Локомотив" устидан 1:0 ҳисобида устун келди. Бу қаршиликлар учун янги мавсумдаги дебют ғалаба ҳисобланади. Қашқадарё вилояти ҳокими Муротжон Азимов клубни бу зафар билан табриклади.

"Насаф"нинг Суперлигадаги илк ғалабаси муборак! Бугун воҳамиз жамоаси Суперлиганинг 4-турида Тошкентда "Локомотив" жамоаси меҳмони бўлиб, 1:0 ҳисобида ғалабага эришди.

Жамоани ўзим ва воҳа аҳли номидан табриклайман.

ОЧЛ гуруҳ босқичида иштирок этиш учун Саудия Арабистонига учиб кетадиган "Насаф"чиларга оқ йўл ва омадлар тилайман.

Ғалабалар бардавом бўлаверсин!

Муротжон Азимов, вилоят ҳокими".