"Насаф" янги мавсумга жиддий тайёргарлик кўрмоқда. Энди навбат клуб масъулларига

"Насаф" футбол клуби спорт директори лавозимида ишлаб келаётган Сергей Кучеренко билан амалдаги шартнома 3 йилга узайтирилди. Эслатиб ўтамиз, украиналик мутахассис 2009 йилда "Насаф" футбол клубига таклиф этилган. Унинг клуб ва футбол мактабидаги раҳбарлиги даврида бош жамоамиз ҳамда Ўзбекистон миллий терма жамоасининг турли ёш тоифасидаги жамоаларига кўплаб ёш футболчилар етказиб берилган.

"Насаф" футбол мактаби директори лавомизда ишлаб келаётган Валентин Поддубнийнинг амалдаги меҳнат шартномаси ҳам 3 йилга узайтирилди. Маълумот ўрнида, жорий мавсумда Валентин Поддубний бошчлигидаги "Насаф" футбол мактаби У-19 жамоаси Ўзбекистон биринчилигида фахрли иккинчи ўринни, У-17 жамоаси Қашқадарё биринчилиги ғолиби, У-14 жамоаси Ўзбекистон биринчилигида фахрли иккинчи ўринни, У-13 жамоаси Ўзбекистон биринчилигида фахрли учинчи ўринни эгаллашди.

Шунингдек, "Насаф" футбол клуби техник директори лавозимида фаолият юритган Ботир Қораев янги мавсумни "Насаф" У-21 жамоаси бош мураббийи лавозимида бошлайди.