"Nasaf"ning "Lokomotiv"ga qarshi oxirgi yillardagi natijasi qanday?

Terma jamoalar yig‘inlari yakunlanib, Superliga qaytmoqda. “Ajdarlar” Superliganing 4-turida 2 aprel kuni Toshkentda “Lokomotiv” jamoasi mehmoni bo‘ladi. Shu bellashuvdan so‘ng, “Nasaf” Osiyo Chempionlar ligasi guruh bosqichida ishtirok etish uchun Saudiya Arabistoniga uchib ketadi.

“Nasaf” matbuot xizmati “Ajdarlar”ning “Temiryo‘lchilar”ga qarshi o‘tgan uchrashuvlariga oid statistikani havola etdi.

Ushbu jamoalar O‘zbekiston chempionatida shu kungacha 34 bor kuch sinashishgan. Ustunlik “Nasaf” tarafida. Bo‘lib o‘tgan 15 ta o‘yinda qarshiliklarning qo‘li baland kelgan. 13 ta uchrashuvda esa “Lokomotiv” zafar quchgan. Shuningdek, 6 ta bahsda durang natija qayd etilgan. To‘plar nisbati 45:38 “Ajdarlar” foydasiga.

O‘zaro uchrashuvlarda qayd etilgan eng yirik hisoblar bir xil ko‘rinishda: “Nasaf” – “Lokomotiv” 5:2, “Lokomotiv” – “Nasaf” 5:2.

Jamoalar so‘nggi o‘zaro uchrashuvni 2021 yil 27 noyabr kuni Qarshida o‘tkazgan. Bu o‘yinda “temiryo‘lchilar” 3:1 hisobida zafar quchgan.

E’tiboringizga, jamoalar ishtirokidagi oxirgi beshta uchrashuvning natijalarini havola qilamiz:

27.11.2021 “Nasaf” –“Lokomotiv” – 1:3

30.07.2021 “Lokomotiv” – “Nasaf” – 2:0

03.12.2020 “Nasaf” – “Lokomotiv” – 0:0

27.08.2020 “Lokomotiv” – “Nasaf” – 0:4

17.08.2019 “Lokomotiv” – “Nasaf” – 1:0