"Навбаҳор" - "Металлург": Матнли трансляция LIVE 1:1

Ўзбекистон Coca Cola Суперлигаси 19-туридан ўрин олган "Навбаҳор" - "Металлург" учрашувини ушбу саҳифа орқали матнли трансляцияда кузатиб боришингиз мумкин бўлади. Ўйиндаги хавфли вазиятлардан ўз вақтида бохабар бўлиб туриш учун саҳифани янгилаб туриш тавсия этилади.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Сатторов Нарзуллаев ўрнига майдонга тушди.

• 90+'
  

  Ўйиннинг асосий вақтига 4 дақиқа қўшиб берилди.

• 90'
  

  Ғофуров ва Тожиев сариқ карточка олди.

• 89'

  Мухторовнинг жаримадан йўллаган зарбаси ноаниқ кетди. 

• 82'
  

  Аҳмедов ўз ўрнини Исоқжоновга бўшатиб берди. Шунингдек, Ўринбоев ўрнига Мухторов майдонга туширилди. 

• 81'
  

  Лобановдан сейв. Бош билан берилган зарбани дарвозабон майдон ташқарисига чиқариб юборди.

• 80'
  

  Аброр Тошқўзиев сариқ карточка олди. 

• 76'

  "Навбаҳор" ҳужум қилишдан тўхтамаяпти.

• 73'

  Соловьёвнинг зарбасидан сўнг, бекободликлар ҳимоячиси тўпни бартараф этди.

• 71'

  "Металлург"нинг қарши ҳужуми хавфли чиқди. Қутибоев жуда қулай имкониятдан фойдалана олмади. 

• 71'

  Наманганликлар рақиб жарима майдони атрофида штурм уюштиришмоқда. 

• 68'
  

  Абдулҳақов ўрнига Тошқўзиев майдонга тушди.

• 67'
  

  Рашидхонов ўз ўрнини Ғуломовга бўшатиб берди.

• 65'

  Лобанов жарима майдонига узатилган навбатдаги тўпни ҳам ушлаб олиб, тепиб юборди.

• 62'

  Турғунбоевнинг зарбаси ўзи кутгандек чиқмади.

• 60'

  Соловьёвнинг жарима майдонига узатган тўпини ҳимоячилар қайтариб юборди. 

• 58'

  Тельяковнинг зарбаси ноаниқ чиқди. Футболчи жарима майдони ичида зарба беришга эришганди. 

• 57'
  

  Муҳаммад Исаев ҳам огоҳлантирилди. 

• 56'
  

  Бобожонов ва Анваров ўрнига Қутибоев ва Убайдуллаев майдонга тушди. 

• 52'
  

  "Навбаҳор"нинг бурчак зарбасини ҳимоячилар қайтарди. 

• 49'

  "Металлург"нинг стандарт вазияти ўта ноаниқ ижро этилди.

• 47'

  Таймни меҳмонлар нисбатан фаолроқ бошлади.

• 46'
  

  Иккинчи тайм бошланди. 

• 45+'

  Панчшанбенинг жаримадан йўллаган зарбаси жонли деворга тегиб қайтди. 

• 45+'
  

  Ихтиёр Тошпўлатов сариқ карточка ишлаб олди.

• 45+'
  

  Биринчи таймга 2 дақиқа қўшиб берилди. 

• 45'

  Нарзуллаевнинг қарши ҳужумдан сўнг, йўллаган зарбаси ноаниқ кетди. 

• 45'
  

  Бурчакдан узатилган тўпга Голбан зарба беришни уддалади. Аммо тўп дарвоза томон бормади. 

• 41'
  

  Турғунбоев офсайдда қолиб кетди.

• 38'
  

  "Металлург" футболчисига тиббий ёрдам кўрсатилмоқда. 

• 34'
  

  Турғунбоевга тиббий ёрдам кўрсатилди. 

• 33'
  

  Абдулҳақов сариқ карточка олди. 

• 31'
  

  ГОООООООООООЛЛЛЛЛЛЛЛЛЛЛЛЛЛЛЛ!!! "Металлург" ҳисобни тенглаштирди. Чумакнинг зарбасини Юсупов қўлидан чиқариб юборди. Андреев қайтган тўпни дарвозага жойлаб қўйди. 

• 29'

  Турғунбоев ўзига узатилган тўпга ета олмади. 

• 27'

  "Металлург" ҳимояланишга мажбур этилмоқда. Бугунги ўйинга "Навбаҳор" футболчилари ўзгача иштиёқ билан майдонга тушгани кўриниб турибди.

• 25'
  

  Ихтиёр Тошпўлатовга сариқ карточка кўрсатилди. 

• 22'
  

  Аҳмедов тиббий ёрдам олмоқда. 

• 19'

  Устунлик "Навбаҳор" футболчиларида.

• 16'
  

  Чумак сариқ карточка ишлаб олди. 

• 13'
  

  ГОООООООООООЛЛЛЛЛЛЛЛЛЛЛЛЛЛЛЛ!!! Ўринбоев ҳисобни очмоқда. "Навбаҳор"дан тезкор гол.

• 7'
  

  "Навбаҳор"нинг бурчак зарбасини ҳимоячилар қайтариб юборди. 

• 4'

  "Навбаҳор" футболчиларининг биринчи зарбаси дарвоза тўсини устидан ўтиб кетди. 

• 2'

  "Металлург"нинг дастлабки дақиқаларда амалга оширган ҳужуми бесамар кетди. Дарвозабон тўпни майдон ташқарисига чиқариб юборди. 

• 1'

  Ўйин бошланди. 

• 0'

  Жамоалар майдонга тушиб келишмоқда. 

• 0'

  Ассалому алайкум, азиз футбол ихлосмандлари. Суперлига 19-туридан ўрин олган сўнгги беллашув "Навбаҳор" ва "Металлург" жамоалари ўртасида кечади. Ушбу беллашувни матнли трансляция тарзида Абдулвосид Валихонов эътиборингизга ҳавола этади.