"Навбаҳор" футболчиси легионерга айланди

Бу йил 24 ёшни қаршилайдиган футболчи Шоҳруҳ Маҳмудҳожиев энди легионерга айланди. Ўтган мавсумни “Навбаҳор” сафида ўтказган ҳужумчига Тожикистоннинг “Хўжанд” клуби таклиф билан чиқди. Натижада музокаралар ижобий якун топгач, Маҳмудҳожиев “Хўжанд” билан шартнома имзолади.

Шоҳруҳни “Пахтакор” клубида ҳам тўп сурганини билсангиз керак. Кейинчалик омадини “Навбаҳор”да излаб кўрди. Ўтган мавсумда наманганликлар сафида Суперлигада 13 та ўйинда майдонга тушди. Кубок баҳсларида эса 3 та учрашувда 1 та гол урди.