"Навбаҳор" клуби жамоанинг "Локомотив"га қарши ўйинига чипталарни арзонлаштирди

Наманганнинг “Навбаҳор” ПФК раҳбарияти жамоа мухлислари учун яна бир хайрли ишга қўл урди. Суперлига 25-тури доирасидаги “Навбаҳор” – “Локомотив” учрашуви учун “Марказий” ўйингоҳга кириш чипталари арзонлаштирилиб, энди барча чипталар бир хил нархда, яъни 15 минг сўм этиб белгиланди. Бу ҳақда клуб матбуот хизмати хабар берди.

Манбанинг маълум қилишича, ушбу ўйин учун чипталар эртадан сотувга чиқади. Мазкур баҳс 27 ноябрь куни соат 16:00да старт олади.