“Navbahor” premer-liga klubi bilan kuch sinashadi

Yangi mavsumga puxta tayyorgarlik ko‘rayotgan “Navbahor” Turkiyadagi o‘quv-mashg‘ulot yig‘inini davom ettirmoqda.

Jamoa a’zolari Turkiyaning Antaliya shahrida 18 fevralgacha yig‘in o‘tkazib, bir qator nazorat-sinov bahslarida maydonga tushishi rejalashtirilgan. “Lochinlar” dastlabki o‘rtoqlik uchrashuvida Qozog‘istonning “Ordabasi” jamoasiga 1:2 hisobida imkoniyatni boy bergandi.

Turkiyada yig‘in o‘tkazayotgan Rossiya premer-ligasi ishtirokchisi “Ural” namaganliklar bilan o‘rtoqlik uchrashuvi tashkil etilishini xabar qildi. Ma’lumotlarga qaraganda, bu o‘yin 16 fevralga belgilangan.

“Navbahor” tarkibida jami 26 futbolchi shug‘ullanmoqda.