"Навбаҳор" Туропов билан қанча муддатга шартнома тузганини биласизми?

Наманганнинг “Навбаҳор” жамоаси айни пайтда ёзги трансфер ойнаси очилганидан фойдаланиб трансферлар устида иш олиб бормоқда.

Клуб биринчилардан бўлиб, “Локомотив”да тўп сурган ярим ҳимоячи Диёр Туроповни ўз сафига қўшиб олди.

Sports.uz сайтига маълум бўлишича, ушбу ўйинчи “Навбаҳор” билан 1,5 йиллик шартнома имзолаган. Жамоа ёзги таътилдан қайтганидан сўнг, Диёр ҳам янги клуби билан машғулотларга қўшилади.

Кеча “Навбаҳор”ни Эхсони Паншанбе тарк этгани хусусида хабар бергандик. Тез орада клубда трансфер ишлари билан боғлиқ яна бошқа ўзгаришлар ҳам юз бериши эҳтимолдан ҳоли эмас.

Диёр Туропов "Локомотив"ни тарк этиши ҳақида: "Совринли ўринлар учун курашадиган жамоага ўтишга қарор қилдим"