"Навбаҳор"нинг янги футболчилари қайси рақамларда тўп суради?

Бугун “Навбаҳор” жамоаси Намангандаги “Марказий” стадион майдонида навбатдаги машғулотларни ўтказди.

Ушбу жараён якунида эса, давралар оралиғида таркибга қўшилган янги ўйинчилар ўзларига тегишли рақамлар туширилган футболкаларни қабул қилиб олишди.

Унга кўра, Илҳом Алижонов 28, Боян Найденов 88, Иброҳим Ғанихонов 20, Боян Цигер 4 ва Коста Гутинер 14-рақам остида ўйнайдиган бўлди.

Биз ушбу футболчиларнинг “Навбаҳор” сафида улкан муваффақиятларга эришиб, жамоамиз ғалабаларига ўз улушларини қўшишларига, ёрқин ўйинлари билан наманганлик мухлислар олқишига сазовор бўлишларига тилакдошмиз.

Биз янги футболчиларнинг барчасига “Навбаҳор”га хуш келибсиз!” деб қоламиз, - дейилади клуб матбуот хизматининг хабарида.