Назорат ўйини. "Нефтчи" Сербия клуби билан дуранг ўйнади

Хабарингиз бор, Фарғонанинг "Нефтчи" жамоаси айни дамда Антальяда янги мавсумга тайёргарлик кўрмоқда.

Йиғинларнинг биринчи босқичини якунлаётган "йўлбарслар" назорат учрашувида Сербиянинг "ИМТ" клуби билан ўйнади. Беллашувнинг биринчи бўлимида ҳисоб очилмади. Иккинчи бўлимда эса жамоалар биттадан гол уришга эришди. Фарғоналикларнинг голига грузиялик легионери Тома Табатадзе муаллифлик қилди.

Маълумот учун, "Нефтчи" бугун 18:30 да иккинчи баҳсни Шимолий Македониянинг "Силекс" клубига қарши ўтказади.