Нега ПСЖда янги бош мураббий тайинланиши кечикмоқда?

ПСЖда бош мураббийни алмаштириш жараёни кечикмоқда. Парижликлар Кристоф Гальтени истеъфога чиқаришлари керак, аммо томонлар ҳалигача шартномани бекор қилиш бўйича келишиб олишмаган.

L'Equipe нашри хабарига кўра, клуб июль ойи бошига қадар янги мураббий тайинланишини эълон қилиши даргумон - катта эҳтимол билан бу кейинги ҳафта содир бўлади. Қайд этилишича, Гальтенинг кетиши жамоага янги мураббий тайинланишидан бироз олдинроқ расман тасдиқланиши мумкин.

Эслатиб ўтамиз, француз грандининг янги бош мураббийи, кўплаб нуфузли манбаларга кўра, Луис Энрике бўлади.

Кристоф Галтье ПСЖни бир мавсум бошқарди. Унинг қўл остида жамоа Франция чемпионатида ғалаба қозонди, аммо Чемпионлар лигасида муваффақиятсизликка учради.