Невилл: Роналдудан хафаман. Чунки...

"Манчестер Юнайтед"нинг собиқ футболчиси Гари Невилл ҳужумчи Криштиану Роналду ҳақида ўз фикрларини билдириб ўтди.

Айни дамда 37 ёшли португалияликнинг клубдаги келажаги номаълумлигича қолмоқда.

“Роналдудан бироз хафаман. Чунки барча футболчи уни Манчестерда қолишини истамоқда. Шу боис, жамоада қолиши керак деб ўйлайман. Ундан интервью олиб, вазиятга ойдинлик киритиш керак. Унинг бу миш-мишларга қандай муносабатда эканлиги жуда қизиқ”, - дея Невиллнинг сўзларини келтиради “Sky Sports” нашри.

Ўтган мавсумда Роналду “Манчестер Юнайтед”нинг барча мусобақалар доирасидаги 39 та ўйинда майдонга тушиб, ўз ҳисобига 24 та гол ва 3 та голли узатмани ёздириб қўйган. Ҳужумчининг клуб билан шартномаси 2023 йилнинг 30 июнига қадар амал қилади.