Невилл: "Ямал — бу ёшда бунчалик таъсир кўрсатган футболчини мен эслай олмайман"

"Манчестер Юнайтед"нинг собиқ ҳимоячиси Гари Невилл Ламин Ямалнинг ўйинга қўшган таъсири ҳақида юқори фикр билдирди.

"Менимча, Ямал охирги 30, 40, 50 йил ичида кўрилган энг яхши ёш футболчи бўлиши мумкин. У ўтган йили Испания билан Еврони ютди, бу йил эса нима қилаётганини кўряпсиз. 17 ёшида “Барселона” сафида 100 та ўйин ўтказди.

100 та ўйин, Европа чемпионатида 16 ёшида ўйнаган, соврин ютиб олган. Шу ёшда бунчалик таъсир кўрсатган футболчини мен эслай олмайман. Охирги 30–40 йилда шундай даражадаги истеъдод кўрганим йўқ" – деди Невилл "Stick to Football" подкастида.