Neymar 3 oylik tanaffusdan so‘ng ilk bor maydonga tushdi

Xabaringiz bor bugun Braziliya terma jamoasi Kolumbiyaga qarshi o‘rtoqlik uchrashuvi o‘tkazdi va 2:2 hisobida durang o‘ynadi.

E’tiborlisi, PSJ hujumchisi Neymar oxirgi 3 oyda ilk bor maydonga tushdi. U shu kuni pentakampeonlar safida o‘z hisobiga 1ta gol hamda 1ta golli uzatma yozdirib qo‘yishga erishdi.

Eslatib o‘tamiz, Neymar so‘nggi bor 6 iyun kuni Qatarga (2:0) qarshi o‘yinda maydonga tushgan va uchrashuvning 21-daqiqasida jarohat olgan edi. Shundan buyon u birorta ham o‘yinda maydonga tushmay kelayotgandi.