Неймар: Мбаппе билан муносабатимиз Месси келганидан кейин бузилди!

“Ал-Ҳилол” ҳужумчиси Неймар Бразилия интернет сегментларидан бирида машҳур футболчи Ромариога интервью берди.

32 ёшли форвард ПСЖдаги жамоадоши Килиан Мбаппе билан зиддият пайдо бўлишига Лионель Месси сабабчи эканини очиқлади.

- Мбаппе билан ўртада муаммомиз бўлгани рост, лекин бу жамоага келганида ўта муҳим ўйинчи даражасида эди. Мен уни “тилла бола” дердим, доим ҳазил-ҳузил қилардик, унга энг зўр футболчига айлана олишини айтарди. Килиан блан кўп мулоқот қилганмиз, ҳатто уйимда бирда таомланардик ҳам.

Мбаппе билан ажойиб ҳамкорлигимиз бор эди. Лекин ПСЖга Лионель Месси келганидан кейин ҳаммаси ўзгарди. У мени Мессидан қизғана бошлади. Келишмовчиликлар бошланди. Мбаппенинг ўзини тутиши ўзгарди, - деди Неймар.

Қизиғи шундаки, Париж клубида ҳужум учлигини ташкил қилган Неймар, Месси ва Мбаппедан бирортаси ҳозир ПСЖда эмас. 2023 йилнинг ёзида Месси “Интер Майами”га, Неймар “Ал-Ҳилол”га, бир мавсумдан кейин Мбаппе “Реал”га ўтиб кетди.