Неймар Роналдунинг 9 йил олдинги натижасини такрорлади
Бир ўйинда жаримадан 2та гол уриш осон эмас.
Хабарингиз бор жорий ҳафта УЕФА Чемпионлар лигаси гуруҳ босқичининг 2-тур учрашувлари ўтказилди. ПСЖ ўз майдонида "Црвена Звезда"ни қабул қилди ва йирик 6:1 ҳисобида зафар қучди.
Шу куни парижликларнинг бразилиялик ҳужумчиси Неймар хет-трик қайд этишга муваффақ бўлди. Эътиборлиси, у голларининг 2тасини жарима зарбасидан киритди. Қизиғи, сўнгги 9 йилдан буён Чемпионлар лигасида ҳеч бир футболчи бир учрашувда 2 марта жаримадан тўп кирита олмай келаётган эди.
Эслатиб ўтамиз, сўнгги бор бундай натижани “Реал” форварди Криштиану Роналду 2009 йил “Цюрих”га қарши баҳсда қайд этган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар