Неймар терма жамоасининг навбатдаги машғулотларини ўтказиб юборди

Бразилия терма жамоаси ҳужумчиси Неймар Швейцарияга (1:1) қарши ЖЧ-2018 баҳсидан сўнг ўтказилган машғулотларни ўтказиб юборди. ПСЖ ўйинчиси швейцарияликлар билан бўлган ўйнда оёғидан жароҳат олган ва умумий машғулотларда қатнаша олмади, дея хабар беради Sky Sports нашри.

Неймар Тьяго Силва ва Паулиньо билан меҳмонхонада қолиб, машғулот залида тайёргарликни ўтаган. Қолган 20 нафар ўйинчи майдонда ҳаракат қилган.

Швейцарияга қарши баҳсда Неймарга нисбатан 10 марта қоида бузилган. Футболчи жароҳати сабабли ПСЖнинг баҳорги мавсумини ўтказиб юборди.

Бразилия ЖЧ-2018 турниридаги кейинги учрашувини Коста-Рикага (22 июн) қарши ўтказади.