Неймар ва Месси иштирок этмаган бахсда ПСЖ ғалаба қозонди

Франция чемпионати 10-туридан ўрин олган ПСЖ - "Анже" бахси якунига етди. Мазкур учрашувда Париж клуби 2:1 ҳисобида ғалаба қозонди. 

Ўйиннинг 36-дақиқасида меҳмонлар футболчиси Фюлжени ҳисобни очган бўлса, 69-дақиқада Данилу Перейра мувозанатни тиклади. 87-дақиқада Килиан Мбаппе пенальтидан гол уриб, жамоасига ғалаба келтирган гол муаллифига айланди. 

Мазкур натижадан сўнг парижликлар ҳисобидаги очколар сони 27 тага етди ва улар карвонбошилик қилишда давом этмоқда. 16 очко жамғарган "Анже" айни дамда 4-поғонадан жой олган.