Nihoyat, Jeydon Sancho o‘ziga jamoa tanladi

Evropa grandlari nishonida turgan “Borussiya” yulduzi Jeydon Sancho o‘zini tarbiyalagan “Manchester Siti”ga qaytib borish niyatida ekanini va Gvardioladan taklif kutayotganini ma’lum qildi.

Ayni paytda 20 yoshli futbolchini qo‘lga kiritish uchun “Manchester Yunayted” asosiy da’vogar bo‘lib turibdi. Dortmundliklar uch yil muqaddam 8 million evroga xarid qilingan futbolchi uchun bugungi kunda 130 million evro talab qilmoqda. Bu narx hatto “Manchester Yunayted”ni ham cho‘chitmoqda.

Hujumkor yarim himoyachi joriy mavsumda barcha turnirlarda 41 ta o‘yin o‘tkazib, 20 ta gol urdi va 20 ta golli pas uzatdi.