Nike ҳам "Челси"дан юз ўгирса, "аристократлар" жуда катта молиявий зарар кўради

Агар Nike “Челси” билан ҳамкорликни тўхтатишга қарор қилса, Лондон гранди жиддий молиявий йўқотишларга дуч келиши мумкин.

Daily Mail нашри тарқатган хабарга қараганда “аристократлар”нинг бу борадаги зарари 540 миллион фунт стерлингга (640 миллион евродан ортиқ) етиши мумкин.

Таъкидлаш керакки, «Челси» ва Nike 2016 йилда 15 йил муддатга 900 миллион фунт (1,07 миллиард евродан ортиқ) миқдоридаги ҳомийлик шартномасини имзолаган эди.

Эслатиб ўтамиз, "Челси" хўжайини Роман Абрамовичга Буюк Британия ҳукумати томонидан санкция қўйилди. Россиялик тадбиркор аллақачон клубни тўлиқ бошқаришни хайрия жамғармаси васийларига топширган, аммо ҳозирча у "Челси"нинг потенциал харидорлари билан клубни сотиш бўйича келиша олмаяпти.