Nikimbaev O‘zbekiston terma jamoasining pley-offga chiqish imkoniyatlarini baholadi

 Taniqli futbol mutaxassisi Alisher Nikimbaev milliy terma jamoaning jahon chempionatida guruhdan chiqish imkoniyatlari haqida fikr bildirdi.

Uning taʼkidlashicha, nazariy jihatdan imkoniyat hali saqlanib qolgan, ammo buning uchun avvalo Kongo DR terma jamoasi ustidan gʻalaba qozonish, shu bilan birga boshqa guruhlardagi natijalar ham Oʻzbekiston foydasiga shakllanishi kerak.

"Futbolchilar bu hisob-kitoblarni hammadan koʻra yaxshiroq tushunishadi. Ularning oʻzi hammadan yaxshi anglab turibdi, ularga alohida tushuntirish shart emas. Hamma matematika biladi, maktabda oʻqigansiz-ku", — deya Nikimbaevning soʻzlarini keltiradi Metaratings.ru.

Eslatib oʻtamiz, ikki turdan soʻng Oʻzbekiston terma jamoasi hali birorta ochko toʻplagani yoʻq, jamoaning toʻplar nisbati esa 1–8ni tashkil etmoqda.