Нодирбек Абдусатторов кучли тўртликда!

4 февраль ҳолатига кўра, 2025 йилги FIDE CIRCUIT рейтингида Динг Лирен 40.64 очко билан 1-ўринда бормоқда. 2-поғонада ҳиндистонлик Рамешбабу Прагнанандха (25.00), учинчи ўринда эса Гукеш Д (22.37) жойлашган. Гукеш амалдаги жаҳон чемпиони бўлгани учун, жаҳон чемпионатига саралашдан ўтиши шарт эмас.

Ҳамюртимиз Нодирбек Абдусатторов 18.42 очко билан тўртинчи ўринни эгаллаб турибди. Шунингдек, илк ўнталикда Владимир Федосеев (15.79), Тай Дай Ван Нгуен (11.27), Айдин Сулейманли (10.08), Эрвин Л'Ами (8.30), Аниш Гири (6.58) ва Вей Йи (6.58) каби кучли шахматчилар ҳам бор.

Эслатиб ўтамиз, FIDE CIRCUIT рейтинги йил давомида ўтказиладиган йирик турнирлар натижаларига кўра тузилади. Мавсум якунида энг юқори очко жамғарган шахматчи кейинги Номзодлар турнирига йўлланма олади.