Нодирбек Абдусатторов ўзбекистонлик бошқа бир шахматчига пешқадамликни бой берди - "Uzchess Cup" турнири якунлари

Тошкентда бўлиб ўтган, "Classic" йўналишидаги халқаро шахмат мусобақаси кўтаринки руҳда якунланди.

Натижаларга тўхталадиган бўлсак, "Masters" гуруҳи турнир жадвалида биринчи ўринни сиз-у бизга таниш бўлган Нодирбек Ёккубоев қўлга киритди. Шунингдек, иккинчи ва учинчи ўринлардан Нодирбек Абдусатторов ва хитойлик Ю Янгилар жой олишди. Яна бир кучли шахматчимиз Жавоҳир Синдаров 9 та турдан сўнг гуруҳни бешинчи ўринда якунлади. Сабаби, Жавоҳир сўнгги баҳсда Грисчук Александр билан дуранг натижа қайд этди. Шу сабали ҳам Сарана Алексей гуруҳни тўртинчи поғона билан якунлаб, юртдошимизни ортда қолдирди. Мусобақа совринларига келадиган бўлсак, биринчи учта ўрин учун ҳам пул мукофоти қўйилган. Пешқадам 25 минг АҚШ доллари билан мукофотланди. Иккинчи ўрин учун 20 минг АҚШ доллар, учинчи ўрин учун эса 15 минг АҚШ доллари пул мукофоти берилди. Албатта, икки юртдошимизнинг бу натижасидан фахрланишимиз керак. Бундай катта турнир Ўзбекистонда илк маротаба ўтказилиши ва унда вакилларимиз ғалаба қозониши қувонарли ҳолат.

"Challengers" гуруҳида ҳам қувонарли вазият. Сабаби, бу гуруҳда ҳам яна бир ҳамюртимиз Шамсиддин Воҳидов турнир давомида пешқадамликни сақлаб, ўз рақибларини ортта қолдиришга муваффақ бўлди. Унинг энг яқин тақибчиси Предка Александр 5 очко жамғарган ҳолатда мусобақанинг иккинчи поғонасини банд этди. Учинчи ўринни эса Александр Инжич эгаллади. У ҳам 5 очко жамғаришга муваффақ бўлди. Бу гуруҳнинг биринчи учталигига ҳам ҳам пул мукофотлари қўйилган. Жумладан, Шамсиддин Воҳидов 15 минг АҚШ доллари, Предка Александр 10 минг АҚШ доллари ва Адександр Инжич 5 минг АҚШ доллари пул мукофотига эга бўлишди. Шубҳасиз, мавсум кашфиёти Шамсиддин Воҳидов бўлди. Эслатиб ўтамиз, бу турнирнинг натижасидан сўнг Шамсиддин Воҳидов дунёнинг кучли шахматчилари орасида кучли 100 таликка кирди. Ҳозирда унинг рейтинги - 2642.9.

"Futures" гуруҳи яққол пешқадами Сивук Виталий бу супертурнирда 6 очко жамғарган ҳолда, ғалаба қозонди. Иккинчи ўринни эса Бардия Данешвар қўлга киритди. Саидакбар Сайдалиев ва Муҳаммадзоҳид Суяров 5.5 очко билан 3-4-ўринларни қўлга киритишди. Бу гуруҳда ҳам ғолиблар учун пул мукофотлар қўйилган. Унда биринчи ўринга 7 минг АҚШ доллари, иккинчи ўрин учун 5 минг АҚШ доллари ва учинчи ўрин соҳиби Саидакбар Сайдалиевга эса 3 минг АҚШ доллари мукофот пули белгиланган. Муҳаммадзоҳид Суяровга кейинги турнирларда омад тилаб қоламиз ва бундан ҳам катта натиажаларга эришишига тилакдошмиз.