Нодирбек Абдусатторов Туркия шахмат лигасида ўз юришини бошлади. Ҳиндистонлик Гукеш ҳам шу ерда...

Яқиндагина Ўзбекистон терма жамоаси таркибида Бутунжаҳон шахмат Олимпиадаси ғолиби бўлган Нодирбек Абдусатторов Туркиянинг Анқара шаҳрида старт олган Туркия шахмат лигасида иштирок этмоқда.

Кеча, 16 август куни турнирнинг илк даврасида мезбон шахматчи FM Яниз Каан Эрдогмус (2373) билан қора доналарда ўйнаган GM Нодирбек Абдусатторов (2688) ўзининг дастлабки ғалабасини қўлга киритди. Шунингдек, яна бир шахматчимиз IM Ортиқ Ниғматов (2433) оқ доналарда Озарбайжон вакили GM Нижат Абасовга (2633) имкониятни бой берди.

Шуни таъкидлаш лозимки, турнирда бир қатор кучли шахматчилар болгариялик GM Иван Черипанов (2685), чехиялик GM Даи Ван Нгуен (2629), ҳиндистонлик GM Гукеш (2684) ва GM Ниҳал Сарин (2574) ҳам қатнашмоқда.