No‘’mon Hasanov yana Tojikiston chempionatida ishlaydi

O‘zbekistonlik mutaxassis No‘’mon Hasanov yana Tojikiston chempionatiga qaytdi. U sobiq klubi – “Istaravshan” jamoasi bosh murabbiyi etib tayinlandi.

Bugun, 17 yanvar kuni No‘’mon Hasanov klub rahbarlari bilan uchrashdi. Tomonlar bir to‘xtamga kelishdi va aniq vazifalar belgilab olindi. No‘’mon Nurmatovichga murabbiylar shtabida Shuhrat Shamsiev bilan Baxtiyor Xoliqov ko‘maklashishadi.

Ta’kidlash lozimki, Hasanov 2022 yilning ikkinchi yarmida “Istaravshan” bosh murabbiyi sifatida ishlagan. O‘tgan yili esa ma’lum vaqt “Xo‘jand” bosh murabbiy lavozimida faoliyat olib borgan.