"Ноттингем Форест" "Ювентус" ҳимоячисини қўлга киритиш учун таклиф йўллади

"Ювентус" ҳимоячиси Николо Савона Англия Премьер-лигасига йўл олиши мумкин.

Футбол инсайдeри Жанлука Ди Марционинг хабар беришича, "Ноттингем Форест" туринликлар сафида тўп сураётган 22 ёшли футболчи учун 11 миллион евро таклиф қилган. Аммо "Ювентус" бу таклифни рад этиб, ҳимоячи учун 18 миллион евро сўрамоқда.

Маълумотларга кўра, англияликлар аввал туринликлар билан келишувга эришишни режалаштирмоқда, шундан кейингина ўйинчи билан музокара бошланади.

Эслатиб ўтамиз, ўтган мавсумда Николо Савона А Серия доирасида 28 ўйинда майдонга тушиб, 2 та гол урди ва 1 та голли узатма муаллифи бўлди.