Ноёб вундеркинд икки ойда бутун Европани забт этди

“Борнмут”нинг ажойиб топилмаси – 19 ёшли Райан айни пайтда Европанинг етакчи клублари эътиборини ўзига жалб қилмоқда.

TEAMtalk маълумотига кўра, бразилиялик ўйинчининг ноёб истеъдоди “Реал”, “Пари Сен-Жермен”, “Ливерпуль” ва “Манчестер Юнайтед” каби қудратли клубларини жиддий тарзда қизиқтириб қўйди. Ушбу жамоалар скаутлари ҳужумчининг ўйинидан “жуда катта таассурот олган”и таъкидланди.

Райан январь ойида Бразилиянинг “Васко да Гама” клубидан “Борнмут”га кўчиб ўтган ва тезда Англия Премьер-лигасига мослашиб, жамоанинг кўзга кўринган ўйинчиларидан бирига айланди.

Хабар қилинишича, футболчининг шартномасида тахминан 100 миллион евро эвазига сотиб олиш имконини берувчи банд мавжуд. Transfermarkt портали Райанни 40 миллион евро деб баҳоламоқда.