Нукусда спорт курашлари бўйича халқаро мусобақа ўтказилди
Унда Олимпия вазн тоифаларида кучлилар саралаб олинди.
17-19 октябрь кунлари Қорақалпоғистон Республикасида спорт курашлари бўйича халқаро мусобақа бўлиб ўтди.
Биринчи бор ташкил этилган катталар ўртасидаги турнирда мамлакатимиздан ташқари Қозоғистон, Қирғиз Республикаси, Тожикистон, Беларусь Республикаларидан ташриф буюрган полвонлар баҳс олиб боришди.
Мусобақа “Спорт курашларининг олимпия турларини янада ривожлантириш чора-тадбирлари тўғрисида”ги ПҚ-336-сон Қарори асосида ташкил этилди. Унда Олимпия вазн тоифаларида кучлилар саралаб олинди.
Кутилганидек, ҳар уч йўналишда 14 та вазн тоифасида олтин медалга сазовор бўлган Ўзбекистон терма жамоаси аъзолари умумжамоа ҳисобида биринчи ўринни қўлга киритишди. Иккинчи ва учинчи ўринлар мос равишда Беларусь ҳамда Қозоғистон жамоаларига насиб этди.
МОҚ матбуот хизмати
Изоҳлар (0)