Нурсултон Рўзибоев -Эдуард Арустамян қарама-қаршилигида кимнинг имконияти юқори?

12 декабрь куни Қозоғистоннинг Алмати шаҳрида катта ММА кечаси ўтказилади. Аниқроқ қилиб айтганда Россиянинг “Open FC” ҳамда Қозоғистоннинг “Alash Pride” промоушени ҳамкорликда ўзига хос турнир ташкил этади.

Ушбу жанг кечасида юртимизнинг энг кўзга кўринган ММА вакилларидан бири Нурсултон Рўзибоев ўзига тегишли бўлган “Open FC” нинг ўрта вазн (84 кг) тоифасидаги чемпионлик камарини ҳимоя қилади. Рақиб эса Арманистон вакили Эдуард Арустамян бўлади.

Биз ушбу қарама-қаршилик борасида бироз таҳлилий сўз юритдик...

руз

Эдуард Арустамян...

Расмий тарзда рекордлар хисобланиб борадиган сайтларда унинг кўрсаткичи турли хил тарзда кўрсатилган. Sherdog.com да  8-2 кўриниш олган бўлса, Fighttime.ru эса  9-2 кўрсаткични қайд этган. Баъзи манбаларга таянадиган бўлсак, унинг рейтингга киритилмаган жанглари ҳам бор ва улар билан қўшиб ҳисоблаганда  рекорди 15-2 кўриниш олади.

Биз эса, 9-2 натижаси бўйича унинг ғалабалари қай тарзда қўлга киритилганига тўхталиб ўтамиз. Демак, Арустамян 9 та ғалабасининг 4 тасини нокаут, 3 тасини техник нокаут билан якунлаган. Иккитасини эса сабмишен эвазига қўлга киритган.

Аслида, Арустамяннинг баъзаси  эркин кураш бўлса ҳам, у асосан “стойка”да жанг ўтказишни хуш кўради. Асосий зарбани ўнг қўлида беради. Ҳар икки қўлида ҳам кучли зарбаларга эга. Қолаверса, курашдан чиққанлиги “тэйк-даун”ларни амалга оширишда ҳам қўл келади. У сўнги жангини 2020 йил 23 июлда BFC 57 (Belarusian Fighting Championship) турнирида россиялик Владимир Фединга қарши ўтказган ва 2-раундда сабмишен эвазига мағлубиятга учраган. Ҳозирда, ҳамюртимизнинг рақиби 33 ёшда ва 181 см бўйга эга.

эд

Нурсултон Рўзибоев...

Юртдошимизнинг фаолияти ва эришаётган натижаларини ММА ихлосмандлари жуда яхши билади. Шундай бўлса ҳам, бу ҳақида тўхталиб ўтишни жоиз топдик.

Нурсултон профессионал фаолияти давомида 43 та жангда ўтказган. Уларнинг 32 тасида ғалаба қозонган бўлса, 8 бора мағлубиятга учраган. 2 дуранг ва бир ҳисобга олинмаган жанги ҳам мавжуд.  Ғалабаларининг 19 тасини сабмишен, 11 тасида нокаут (6 та техник нокаут) билан қўлга киритган.

Таъбир жоиз бўлса, айтиш мумкинки, ҳамюртимизнинг жангларида ранг-баранглик бор.  “Армбар”, “Кимура”, ”Слам” , “Гильотина” услубларида ғалаба қозонган жангларини кўришимиз мумкин. Хуллас, унинг жиу-житсуси аъло даражада. Айниқса, сўнги жангларида гувоҳига айланишимиз мумкинки, “Кимура” услуби унинг ташриф қоғозига айланиб улгурди.

Хуллас, ушбу қарама-қаршиликда юртдошимиз ҳар жабҳада рақибидан устун, дея оламиз. Ёш жиҳатдан рақибидан 5 ёш кичик. Тажриба борасида эса анчагина устун. Шунингдек, бўйи ҳам рақибидан 11 см баландроқ. Қолаверса, тезлик ва техника ҳам Нурсултонда Арустамянга нисбатан яхши шаклланган. Тўғри, рақиб эркин курашда тобланган. Бироқ, юқорида таъкидлаб ўтганимиздек, ҳамюртимизнинг жиу-жит-суси унга ҳар қандай ҳолатда қийин вазиятни тақдим этади. Қолаверса, Рўзибоев “кардио” борасида ҳам мақтана олади.

Аммо, ММАда ҳар қандай ҳолат юзага келиши мумкин. Шундай бўлса-да, ҳамюртимизга ишонамиз ва у чиройли ғалаба қозониб, ўз титулини ҳимоя қилаҳган ҳолда, ўзбекистонлик ММА ихлосмандларини хурсанд қилади.

Бу борада эса унга зафарлар тилаб қоламиз. Омад Нурсултон!

рузибоев_1

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию

×