Нурсултон Рўзибоев шогирди “WEF 128 PROF FiGHT 55” турнирида октагонга кўтарилади

3 октябрь куни Қирғизистоннинг Бишкек шаҳрида “WEF 128 PROF FiGHT 55” турнири ташкил этилади. Мазкур жанг оқшомида Беҳзод Жиянов ҳамда UFC жангчиси Нурсултон Рўзибоев шогирди Муҳаммадали Ғаниев ҳам навбатдаги жангини ўтказади.

У Қирғизистон вакили Асилбек уулу Тимурланга қарши октагонга кўтарилади. Мазкур қарама-қаршилик ярим енгил вазн (65,8 кг) тоифасида ўтказилади.

Маълумот учун, Ғаниевнинг профессионал кўрсаткичи 3-2 бўлса, қирғизистонлик жангчининг рекорди 3-1 кўриниш олган.