“Nyukasl” Abramovichdan mashhur himoyachini so‘ramoqda

“Nyukasl” rahbariyati Roman Abramovich jamoasida to‘p surayotgan Markos Alonsoni olib kelishga harakat qilmoqda.

Kelasi mavsumga katta rejalarni amalga oshirishga bel bog‘lagan bu jamoa “Chelsi”dan 29 yoshli ispaniyalik futbolchini to‘liq sotib olmoqchi. Londonliklar ham bu taklifga qarshi emas. Chunki ular Alonsoning o‘rniga “Lester”dan Chiluellni olib kelish harakatlarini boshlab yuborgan.

Alonso premer-liga bag‘slarida 11 ta o‘yinda 4 ta gol urdi va uchta golli pas berdi. Unga “Atletiko”, “Yuventus” va “Inter” ham taklif yuborishga tayyor turibdi.